राष्ट्रिय सतर्कता केन्द्रले ११ हजारभन्दा बढी कर्मचारीलाई कारवाहीका लागि सिफारिस गरेको छ । केन्द्रको बार्षिक प्रतिवेदन अनुसार देशभरका १ हजार ५ सय ७७ सरकारी कार्यालयहरूको छड्के तथा अनुगमन गरेकोमा समय पालना नगर्ने र तोकिएको पोशाक नलगाउने ११ हजार १ सय १ जना कर्मचारीलाई कारबाहीका लागि सम्बन्धित निकायमा लेखी पठाइएको छ। केन्द्रका अनुसार,आचारसंहिता र समय पालना नगरेका १० हजार २६८ जना, तोकिएको पोशाकमा उपस्थित नभएका ६४५ जना तथा आफ्नो कार्यकक्षमा नभेटिएका ९१ जना गरी ११ हजार चार जना कर्मचारी कारबाहीमा परेका हुन । यसरी कारवाहीमा पर्नेमध्ये सबैभन्दा धेरै कार्यालय समय पालना नगर्नेहरु रहेका छन् ।
बिज्ञापन
प्रधानमन्त्री तथा मन्त्रिपरिषद्को कार्यालय मातहत रहेको राष्ट्रिय सतर्कता केन्द्रको तथ्यांकअनुसार गत चैतदेखि साउनसम्म अनुगमन गरिएका कार्यालयहरूको संख्यामा झण्डै तीन गुणाले वृद्धि गरी ९२४ पुर्याइएको छ । बालेन साह प्रधानमन्त्रीको कुर्सीमा पुगेसँगै आयोगले ८ सयभन्दा बढी सार्वजनिक कार्यालयहरूमा अनुगमन गरी ७ हजार १२ जना कर्मचारीहरूलाई पहिलो चरणमा,दोश्रो चरणमा ३४३ कार्यालयमा अनुगमन गर्दा समय पालना नगर्ने ३ हजार ४ सय ६० जना र पोशाक नलगाउने २५५ जना गरी कुल ३ हजार ७ सय १५ जना र त्यस पछि १ हजार २ सय ८३ जना र पोशाक नलगाउने ७७ जना गरी जम्मा १ हजार ३ सय ६० जना कर्मचारीहरू कारबाहीमा परेका जनाएको छ । यस्तै,त्यस पछि २ सय ४५ वटा कार्यालयमा अनुगमन गरी समय पालना नगर्ने १ हजार ७ सय ५० जना र पोशाक नलगाउने १८७ जना गरी कुल १ हजार ९ सय ३७ जना कर्मचारीहरूलाई कारबाही गरिएको थियो ।
केन्द्रले अनुशासन पालना नगरेका ती कर्मचारीहरूलाई निजामती सेवा ऐन, २०४९ को दफा ५५(क) बमोजिम सचेत गराई कारबाही गर्न सम्बन्धित निकायहरूलाई सिफारिस गरेको हो । यो अवधिमा आचारसंहिता र समय पालना नगरेका १० हजार २६८ जना रहेका छन् भने तोकिएको पोशाकमा उपस्थित नभएका ६४५ जना तथा आफ्नो कार्यकक्षमा नभेटिएका ९१ जना गरी ११ हजार चार जना कर्मचारी कारबाहीमा परेका छन् । गत चैतदेखि साउनसम्म केन्द्रमा दर्ता भएका एक हजार २९८ उजुरीमध्ये एक हजार ११४ वटा अर्थात् ८५ दशमलव ८२ प्रतिशत उजुरी फर्छ्योट गरिएको छ । जुन अघिल्लो वर्षको सोही अवधिको तुलनामा ११ दशमलव ७२ प्रतिशत विन्दुले बढी भएको केन्द्रले जनाएको छ ।
